• Հայաստան, 0038 Երևան, Արզումանյան 8

  • 04/12/2017

Եվս երկու «Ոսկե հուշամեդալ» թիվ 118 ավագ դպրոցի վաստակաշատ մանկավարժներին

Եվս երկու «Ոսկե հուշամեդալ» թիվ 118 ավագ դպրոցի վաստակաշատ մանկավարժներին

Եվս երկու «Ոսկե հուշամեդալ» թիվ 118 ավագ դպրոցի վաստակաշատ մանկավարժներին 1024 683 118 ավագ դպրոց

Հասարակայնության հետ կապերի եվ տեղեկատվության վարչություն տեղեկացնում է.

ՀՀ կրթության և գիտության նախարար Լևոն Մկրտչյանի հրամանով Երևանի Ա. Երզնկյանի անվան թիվ 118 ավագ դպրոցի մանկավարժներ Հերիքնազ Կարապետյանն ու Վաչիկ Շահնազարյանը պարգևատրվել են նախարարության բարձրագույն պարգևով` «Ոսկե հուշամեդալով»՝ մատաղ սերնդի կրթության, դաստիարակության գործում ներդրած մեծ ավանդի, երկարամյա մանկավարժական գործունեության և անբասիր աշխատանքի համար:

Պարգևները հանձնել է ՀՀ ԿԳ նախարարի տեղակալ Մանուկ Մկրտչյանը: Շնորհավորելով պարգևներ ստացած մանկավարժներին՝ Մ. Մկրտչյանը շնորհակալություն է հայտնել երկար տարիների նվիրված աշխատանքի համար: «Կրթությունն այն եզակի ոլորտներից է, որտեղ աշխատանքի արդյունքը շատ ուշ է տեսանելի դառնում, միաժամանակ այստեղ չափման միավորը սերունդների հերթափոխն ու մուտքն է դեպի մեծ հասարակություն: Պետությունը միշտ չէ, որ կարող է լիարժեք գնահատել մանկավարժի աշխատանքը, որովհետև պահանջները միշտ աճում են, և այդ վազքի մեջ մենք երբեմն չենք հասցնում արժանավորին շնորհակալություն ասել: Ես առանձնակի ուրախ եմ, որ այսօր այն հաճելի օրերից է, երբ պետք է ասեմ շնորհակալություն»,- նշել է Մանուկ Միկրտչյանը՝ հավելելով, որ նախարարությունը կարևորություն է տալիս ուսուցչի հանրային վարկանիշի բարձրացմանը:

Նշենք, որ ԿԳՆ բարձրագույն պարգևի արժանացած մանկավարժներից Հերիքնազ Կարապետյանը հայոց լեզվի և գրականության ուսուցչոուհի է.այս տարի լրացել է նրա ծննդյան 70 ակյակը, իսկ Վաչիկ Շահնազարյանը մաթեմատիկայի ուսուցիչ է, ով մանկավարժության ասպարեզում աշխատում է ավելի քան 56 տարի, որից 40-ը՝ Ա.Երզնկյանի անվան թիվ 118 ավագ դպրոցում:

Թողնել մեկնաբանություն