Uncategorized @hy

https://youtu.be/8CyojNc1q2g

118 ավագ դպրոցում ավանդույթի համաձայն կրկին պարգևատրեցին տարվա լավագույն ընթերցողին: 10-րդ տնտեսագիտական դասարանի սովորող Էլեն Ասատրյանը արժանացավ պատվոգրի և, որպես պարգև գրքի:

2020 թվականի հունվարի  31-ին  Ա. Երզնկյանի  անվան հ. 118 ավագ դպրոցի  10-րդ լեզվագիտական, 10-րդ պատմագիտական-2, 10-րդ  բնագիտական դասարանների` «Նաիրի», «Կիլիկիա» և «Հայք» թիմերի միջև անցկացվեց վիկտորինա «Հետաքրքրաշարժ    հայոց  լեզու» վերնագրով: Երեք դասարաններն էլ ցուցաբերեցին ակտիվ  մասնակցություն և հավաքեցին բարձր միավորներ: Մեկ միավորի առավելությամբ  հաղթանակ տարավ 10-րդ  բնագիտական դասարանի «Հայք»  թիմը և արժանացավ պատվոգրի:

118 ավագ դպրոցի 10-րդ պատմագիտական դասարան սովորողները , դասղեկ Ս․Հակոբյանի և գրադարանավար Ա․Օհանանի հետ այցելել էին ԵՊՀ -ի Պատմության թանգարան: Սովորողներին շատ հետաքրքրել էին այնպիսի նմուշներ ինչպիսիք էին  համալսարան ընդունված առաջին ուսանողի սեղան ու աթոռը, համալսարանն ավարտած շատ ու շատ հայտնի մարդկանց անձնական իրերը և այլն:

118 ավագ դպրոցի 10-րդ բնագիտական դասարանը այցելել էր ՀՀԳԱԱ ԵԳ Հ․Կարապետյանի անվան երկրաբանական թանգարան: Թանգարանի տնօրեն Գայանե Գրիգորյանի և մեր շատ սիրելի քիմիաի ուսուցչուհի Անուշ Խաչիկյանի օգնությամբ սովորողները բացահայտեցին թանկարժեք քարերի և միներալների հրաշք աշխարհը:

Հունվարի 29-ից 31-ը հ.118 ավագ դպրոցի աշակերտական խորհրդի սպորտային հանձնախումբ զինղեկի հսկողությամբ սովորողների միջև անցկացրեց  հրաձգության մրցումներ: Մրցումների արդյունքում պատվավոր առաջին հորիզոնականը զբաղեցրեց 10-րդ պատմագիտական-2  դասարանի սովորող  Ավագ  Համբարյանը, երկրորդ հորիզոնականը՝  12-րդ  լեզվապատմագիտական դասարանի սովորող  Էմիլ Բադալյանը, երրորդ հորիզոնականը՝   11-րդ բնագիտական դասարանի սովորող  Հայկազ Եփրեմյանը: Մեր տղաները պատրաստված «վարպետ–նշանառուներ» են, բանակի վաղվա զինվորներ: Մենք հզոր ենք…

Փետրվարի 4-ին Ոստիկանության Մաշտոցի բաժնի ԱԳ և ԸԲԿ բաժանմունքի դպրոցական տեսուչ, ոստիկանության լեյտենանտ Կարեն Բաղդասարյանը դպրոցի 10-11-րդ դասարանների սովորողների հետ անցկացրեց զրույց-հանդիպումներ`  ուսումնական հաստատությունում անչափահասների կողմից սուր կտրող-ծակող գործիքների, մահակների և նմանատիպ այլ իրերի կրման կամ դրանց գործադրմամբ մարմնական վնասվածքներ հասցնելու, առողջությանը վնաս պատճառելու դեպքերը բացառելու նպատակով:

Փետրվարի 3-ին ՀՀ ԶՈՒ ՕԳՎՕՎ-ից փոխգնդապետ Ֆելիքս Աշոտի Ենգիբարյանը 10-րդ տնտեսագիտական դասարանի սովորողների հետ անցկացրեց զրույց «Հայկական բանակ» թեմայով: Զրույցն անցավ ջերմ ու հետաքրքիր մթնոլորտում, սովորողները ցուցաբերեցին ակտիվ մասնակցություն:

Հ. 118 ավագ դպրոցի 11-րդ և 12-րդ դասարանների մի խումբ սովորողների համար հունվարի 29- ին  հանդիպում կազմակերպվեց Լիտվայի Կլայպեդա քաղաքի LCC  միջազգային համալսարանի ներկայացուցիչների հետ,  որոնք ներկայացրին  համալսարանի ընդունելության կարգը, ժամկետները, բաժինները,  սովորելու պայմանները, այնուհետև պատասխանեցին սովորողներին հետաքրքրող հարցերին: Սովորողները ստացան ամբողջական տեղեկություն համալսարանի վերաբերյալ: